በኢፌዴሪ ጠቅላይ ሚኒስትር ዶ/ር ዐብይ አህመድ የተመራው የማክሮ ኢኮኖሚ ኮሚቴ በዛሬው ዕለት መደበኛ ስብሰባውን አካሂዷል።

ኮሚቴው በስብሰባውም የተለያዬ ውሳኔዎችን ማሳለፉን የጠቅላይ ሚኒስትር ፅህፈት ቤት ልዩ ሀላፊ አቶ ፍፁም አረጋ አስታውቀዋል።

በዚህም መሠረት፦

1. የአገር ውስጥ የግል ባንኮች ከብሄራዊ ባንክ ለሚገዙት “27% ቦንድ” ብሄራዊ ባንክ የሚከፍላቸው ወለድ አሁን ካለው ከ3% ወደ 5% ከፍ እንዲል፣

2. የኢትዮጵያ ዳያስፖራ በአገር ውስጥ ባንኮች በውጭ ምንዛሪ የሚያስቀምጡት የ50,000 የአሜሪካን ዶላር ገደብ እንዲነሳ፣

3. የግል ባንኮች የውጭ ምንዛሪ ግኝታቸውን 30% ለብሄራዊ ባንክ የሚሸጡበት ተመን በመግዢያና በመሸጫ መካከል ባለ (አማካይ) ዋጋ እንዲሆን፣

4. በውጭ ምንዛሪ ክፍያ እንዲቀበሉ የተፈቀደላቸው የንግድ ድርጅቶች በስራ ላይ ካለው ዝርዝር በተጨማሪ:-

* በኤርፖርት ውስጥ የሚሰጥ የቴሌኮም አገልግሎት፣

* ለውጭ ቱሪስቶች የቻርተርድ አገልግሎት የሚሰጡ የግል አየር መንገዶች፣

* የውጭ ዜጎችን የሚያስተናግዱ የእንግዳ ማረፊያዎች፣

* የውጭ ዜጎችን የሚያስተናግዱ ልዩ ክሊኒኮች እና

* የውጭ ዜጎችን የሚያስተናግዱ ሆስፒታሎችን እንዲጨምር ኮሚቴው መወሰኑን አቶ ፍፁም ተናግረዋል ሲል ኤቢሲ ዘግቧል።

Advertisements